2022 оны 02 дугаар сарын дунд арав хоногт ХАА-н үйлдвэрлэлд цаг агаарын байдал хэрхэн нөлөөлсөн тухай тойм

Агаарын температур: Агаарын дундаж температур энэ арав хоногт  Өлзийт сумын  нутгаар  27,6  градус , бусад сумдын нутгаар 17,4 – 20,9  градус  хүйтэн  байлаа. Олон жилийн дундажтай харьцуулахад аймгийн нийт нутгаар олон жилийн дунджаас 1,5 – 6,1 градусаар хүйтэн  байсан байна. Агаарт өдөртөө  Хайрхан, Эрдэнэбулган,  Эрдэнэмандал, Төвшрүүлэх, Хангай, Булган сумдын нутгаар 2,0 – 5,0 градус,  бусад нутгаар 6,0 – 11,0 градус хүйтэн   байлаа. Агаарт шөнөдөө Өлзийт, Тариат, ӨндөрУлаан, Цахир  сумдын нутгаар 34,0 - 40,0   градус , бусад нутгаар 28,0 – 33,0 градус хүйтэн байсан байна. 30 градусаас дээш хүйтэрсэн өдөр  Эрдэнэбулган, Цэцэрлэг сумдын нутгаар ажиглагдаагүй, бусад  сумдын нутгаар  1 -  9 өдөр ажиглагдсан байна.

Хөрсний гадаргын температур: Хөрсний  гадаргын  дундаж  температур энэ арав хоногт Тариат, Өлзийт , Төвшрүүлэх  сумдын нутгаар 21,0  – 25,0  градус, бусад сумдын нутгаар 15,0 - 19,0  градус хүйтэн байлаа. Хөрсний гадарга дээр өдөртөө Тариат, Өлзийт, Өгийнуур, Хотонт  сумдын нутгаар  2,0 – 6,0 градус хүйтэн,  цэцэрлэг, Чулуут сумдын нутгаар 1,0 -2,0 градус, бусад сумдын нутгаар 6,0 - 11,0 градус дулаан   байлаа. Хөрсний гадарга дээр шөнөдөө Өлзийт, Тариат, Өгийнуур, Цахир сумдын нутгаар 36,0 - 42,0  градус, бусад нутгаар 30,0 - 35,0  градус хүйтэн байсан байна. 40 градусаас дээш хүйтэрсэн өдөр Өлзийт сумын 1 өдөр ажиглагдсан байна.

Хур тунадас: Энэ арав хоногт  Эрдэнэмандал, Батцэнгэл, ӨндөрУлаан, Цахир сумдын нутгаар цас ороогүй, бусад сумдын  нутгаар 0,0 – 0,4 мм хур тунадас орсон байна. Орсон хур тунадасны хэмжээг олон жилийн дундажтай харьцуулбал аймгийн нийт  нутгаар олон жилийн дунджаас бага хур тунадас орсон байлаа.

Салхи: Энэ арав хоногт аймгийн  нийт нутгаар салхины хамгийн  их хурд түр  зуур секундэт 6 – 22 метр хүртэл ширүүссэн бөгөөд хамгийн их хурд нь  Эрдэнэмандал сумын нутгаар  түр зуур секундэт 22  метр хүрсэн байв. 10 м/с–ээс их салхитай өдөр Төвшрүүлэх, Чулуут, Хотонт, Цахир сумдын нутгаар ажиглагдаагүй, бусад сумдын нутгаар  1 - 6 өдөр ажиглагдсан байлаа.

Цасан бүрхүүл: Энэ арав хоногийн мэдээгээр аймгийн нийт нутгийн 70 хувь нь цастай байлаа.  Сумын төвийн ойролцоо хэмжсэн  ажиглалтын мэдээгээр цасны дундаж зузаан     0 - 3 см байлаа.

ХАА-н үйлдвэрлэлд цаг агаарын нөлөөлөл: МАА-н үйлдвэрлэлд  малд нэмэгдэл тэжээл өгөх , малд тарилга туулга хийх   зэрэг ажлууд явагдаж байна.  Энэ   сарын 20-ны байдлаар  мал өвөлжилт хэвийн  байлаа. Эрдэнэмандал, Эрдэнэбулган, Тариат, Цэцэрлэг,Хашаат, Чулуут, Хангай, Жаргалант, Цахир сумдын нутгаар малын усан хангамж  сайн, бусад сумдын нутгаар малын усан хангамж  дунд байлаа.

ЗСААХ-ийн дарга,    ХААЦУ-ын инженер Н.Галдигмаа